تزوجت أختها همس حسن
المحتويات
..
واول ما الدكتور بدأ يحط في ايديها سن الحقنة وقبل ما يكملها لقوا حد داخل عليهم
فريد انتو بتعملوا ايه يا مجرمين ياولاد الكلب
الدكتور شال الحقنة بسرعة رماها في الأرض ..
هند بتزقهم وبتجري تحضن فريد وبتعيط الحقني يافريد هيقتلووووني
فريد طبطب علي هند .. وبعدها بعيد عنه وراح عليهم السواق جري مسك في فريد
السواق انت مين وعايز ايه
مسكه فريد رزعه في الارض ونزل عليه ضړب يمين وشمال لما دشمل ملامحه .. وفي أثناء ده الدكتور والممرضة خافوا وجريوا اختفوا
فريد دغدغ السواق لحد ما شبه اغم عليه ..
هند واقفة دايخة ودماغها متعوره .. وباصة لفريد ومبتسمة
فريد شال السواق حطه في العربية .. رجع مسك ايد هند ورجع بيها ركبها العربية قدام
طهروا الچرح اللي في دماغها ولفوه كويس وادوها الأدوية اللازمة ... ومازال كل ده مش بيبص في عينيها حتي
هند قاعدة علي السرير بتجهز حاجتها عشان يخرجو من المستشفي
هند بتبص لفريد بامتنان شكرا يافريد
فريد بيحط الأدوية في الشنطة الشكر لله يا هند انا معملتش حاجة
فريد بيبصلها مفيش داعي لكل الشكر ده .. انتي زي زهره اختي واعتقد انها لو مكانك مكنتش هسيبها ولا ايه
هند زي اختك
فريد اه طبعا زي اختي .. يلا نقوم نمشي بقي
هند امممم .. يلا
خدها فريد وركبوا العربية عشان يوصلها البيت
في البيت اللي فيه مها
مها يارب انا عارفة إني غلطت كتير وانا فهمت ده واستوعبته والله .. بس اللي بيحصل ده كتير عليا بردو
يارب انا مش هستحمل اتجوز واحد غير بدر .. انا مش هستحمل اصلا اتجوز واحد كل هدفه من جوازتي انه يعذبني ويطلع عليا كل عملته بټعيط اكتر يارب انا كان نفسي يوم مااجي البس هدوم كتب كتابي اكون اسعد واحدة في الدنيا مش اكون بالمنظر ده
مصطفى بيفتح الباب ها خلصتي
مها بتمسح دموعها اللي بقت عامله زي كاسات الډم
وبتقوم تقف بالعافيه
مها بصوت مش طالع اه جاهزة يا مصطفى
بعد ساعة في شقة بدر
بدر تليفونه بيرن مصطفى
بدر ايه يابني عملت ايه
مصطفى عملت اللي اتفقنا عليه بالحرف .. ومن شوية كتبنا الكتاب وخلصنا خلاص
مصطفى عيب عليك يا بدر مش انا اللي تقوله الكلمة دي
انا سبكت الفيديو زي ما يكون حقيقة ومن غير ماالمسها ولا اجي جنبها وهي صدقت
بدر كنت عارف انك قدها ياصاحبي .. ودلوقتي فاضل تكة واحدة .. اسمعني كويس وخليك جاهز عشان اول ما اديك رنة تعمل اللي هقولك عليه بالظبط
وهو بيكلمه سمع صوت عالي اووووي جاي من برا باب الشقة بتاع واحدة بتخبط ع الباب وبتزعق
بدر اقفل اقفل اما اشوف فيه ايه .. وركز مع الواتس عشان لو بعتلك حاجة
زهره جاية من جوا بتجري عشان تفتح الباب
فتحت لقت عبير في وشها
زهره ايه ياماما مالك في ايه
عبير كلمة ماما دي مسمعهاااااش انا مش امك امك مااااتت عملتي في بنتي اااااايه يازهره
مكفاكيش كل اللي عملتيه فيها وجوازك من خطيبها وانها سابتلك الدنيا كلها ومشيت عملتي فيها ايه تاني
زهره بصالها وساكتة
عبير انطقي عملتي فيها ايه يا وش المصاااايب عملتي فيها ايه يخلي ابوها يتبرا منهااااا
بدر جه وقف جنب زهره
زهره انا معملتش حاجة ياماما بنتك هي اللي عملت في نفسها وفينا كلنا
عبير وكمان بتتبلي عليها لا ده انتي محتاجة تتربي من اول وجديد
بترفع ايديها عشان تلطشها بالقلم راح بدر ماسك ايديها
بدر لا اعذريني ياماما .. الكلام ده كان زمان
إنما دلوقتي زهره مراتي وفي حمايتي ومحدش ليه الحق يمد ايده عليها
والبيت اللي واقفة فيه ده بيتها وملكها ف بعد اذنك لو عايزة تكوني موجودة فيه يبقي تحترميه وتحترميها
عبير الله الله
متابعة القراءة
