چريمة عشق مريم نصار
المحتويات
والله يارودى انتى عبيطه. انا فعلا اټرعبت عليكى. وخۏفت جدا عليكى. ومن خوفى عليكى وانك ممكن تاذى نفسك زعقتلك. حبيبتي انا بجد والله خاېف عليكي يارودي. انتى مش مصدقانى.
رودي خلاص مصدقاك. بس متزعقليش تانى. انا اصلا مدايقه
فارس مدايقه من ايه.
رودي كان فى بطاطسايه ھموت عليها. هههههههه.
فارس مجنونه والله. بصى ياحبيبتي. لو عايزه حاجه بعد كدا قوليلى وانا هتصرف. او ممكن نعملها مع بعض. لان الل انتى عملتيه ده غلط. علشان لاقدر الله كان ممكن يحصل اسوأ من كدا. المفروض هتعملى اكله سريعه زى كدا تفضلى واقفه فى المطبخ لحد ماتخلص. علشان نتجنب اى ضرر يحصل. رودي انا مش متخيل حياتى من غير المجنونه بتاعتى.
فارس باس خدها. انا عمرى مازعل من مجنوتنى حبيبتى.
رودي تسلم يانجم ربنا يخليك.
فارس بدهشه. نجم. يابت انتى بتجيبى الكلام ده منين.
رودي من كارفور هههههههههههه. اضحك يارايق.
فارس هههههه. يخربيت ريأكشناتك ياشيخه.
فارس اممم قولى.
رودي بيقولك مره مهندس كمبيوتر ابنه زعقله. فقاله مشاء الله كيبورد وبقيت تعلى صوتك عليا نيهاااها.
فارس مضحكش.. خلصتى !
رودي والله حلوه بس انت الل كئيب. طب اسمع دى. بيقولك مره اتنين كفار واحد تاب والتانى ايفون. هههههههههههه حلوه. والله حلوه.
فارس شاف ريأكشانتها. هههههههههههه. والله مجنونه.
فارس قرب منها. مجنونه بس بعشقك.
ردوى قربت منه. مجنونه وبعشق التراب الل بتمشى عليه يافارس. وسكتت شهرزاد عن الكلام الغير مباح.
عدي يومين.
في المستشفى. مالك بيخلص الإجراءات علشان ساره هتخرج. اخيرا. وطلع وراح الاوضه وشافها واقفه بتبص من الشباك. ومربعه ايديها وسرحانه.
مالك حبيبتي.
ساره انتبهت. ها. بتقول حاجه..
ساره اتنهدت. وبصت قدامها. ابدا. سرحانه فى الدنيا.
مالك مالها بس الدنيا.
. وفجأة تلاقى نفسك فى مكان تحت الارض ومش عارف انت فين ولا ايه الل حصل تخيل الراجل يبقى شغال وشقيان ومسافر واتغرب علشان يوفر الراحه لمراته وعياله. وهي ټخونه مع راجل تانى تخيل الصاحب يخون صاحب عمرو علشان خاطر بنت. تخيل أن الأم تبقى نايمه في امان الله وتصحي على صوت الباب وتفتح تلاقى زميل ابنها بيقولها البقاء لله ابنك م١ت شهيد. تخيل كمية حروب وكمية اجرام وقتل علشان دنيا.
مالك وساره لفو. يشوفو مين. وكان آدم ومريم. الل اتكلمت. انا اسفه سمعنا كلامك بالصدفه.
ساره مسحت دموعها بشبح ابتسامه.
مالك اهلا ياخالو. اهلا ياخالتو.
آدم ومريم دخلو وسلمو على مالك وساره. ومريم قعدت واخدت ساره تقعد جمبها. وآدم ومالك قعدو جمب بعض.
آدم احم عامله ايه دلوقت يا ساره.
ساره هزت راسها. الحمد لله وحضرتك عامل ايه.
آدم حضرتي كويس. وياريت بلاش حضرتك دى. قوليلى يا آدم عادى. انا مش عارف العيال دى ليه مصممه اننا كبرنا. بزمتك يساره مش الل يشوفنى انا ومريم يقول علينا لسه عصافير وفى الجامعه كمان.
ساره ابتمست. فعلا حضرتك انا اول مره شوفتكم فيها فكرت انكم مخطوبين.
آدم ههههه شوفتى بقى ينفع تقولى حضرتك والكلام ده لجوز كناريا مخطوبين. وهقولك تانى بلاش حضرتك. انتى زى نور ورينو بنتى بالظبط.
ساره ابتسمت برعشه. وسكتت.
مالك بردو ياخالو حضرتك جيت وتعبت نفسك. انا قولتلك فى الفون اننا هنخرج كمان ساعه.
آدم ايوه طبعا لازم اجي ومفيش تعب ولا حاجه احنا عندنا كام ساره.
ساره حست انها صعبان عليها نفسها. ودمعه نزلت منها.
مريم مسحت ل ساره دموعها. حبيبتي. كفايه دموع. واتفائلى أن الل جاى خير. والدنيا زى ما فيها الۏحش فيها الحلو. فيها ام بتضحى علشان ولادها. فيها اب يفدى أهل بيته بروحه. فيها عم بيربى عيال اخوه. فيها خال حنين وبصت على آدم بياخد بايد عيال أخته. فيها جار بيسأل ديما على جاره لو غاب عنه. فيها صاحب وفى مستعد ېموت علشانه زي آدم طارق وبيتر. فيها اخ فى ضهر أخته. فيها بنت بترفع راس ابوها في السما. في ولد وبصت لمالك. بيقف جمب
حبيبته وميتخلاش عنها ابدا ويتشرف بيها ويتجوزها قدام العالم. فيها امان. وفيها استقرار. الدنيا زى مافيها الۏحش فيها الحلو ياحبيبي. هي الدنيا فعلا غداره. وكمان سيدنا محمد لعڼ الدنيا دى ٣ مرات إلا ذكر الله والعلماء. حبيبتي اكيد الإنسان بيمر بتجارب ومطبات لكن الحلو انك تعافرى علشان توصلى.
.. والرسول عليه الصلاة والسلام قال
لا عدوى ولا طيرة ويعجبني الفأل الصالح الكلمة الحسنة صدق رسول الله
.والطيرة هي التشاؤم..اياكم والتشاؤم.
كلهم.. عليه الصلاة والسلام.
مريم ها بقى مش هنشوف ضحكتك ولا ايه.
ساره حست احساس غريب. لكن بردو مړعوبه. وابتسمت بشبح ابتسامه.
آدم قام وشاور ل مالك وساره. يلا بينا.
مالك لا اتفضل انت يخالو. انا هاخد ساره وهنطلع على الفيلا.
ساره احم. مش هينفع يامالك.
مالك بعدم فهم. ليه مش هينفع.
ساره قامت وقفت. مش هينفع يامالك. انى ادخل بيتكو. وغير كدا حرام. انا عارفه انك وقفت جمبي وضعفت لانى كنت ضايعه. لكن انا كنت على حافة المت. يعنى شوفت المت بعنيه. مش هينفع اعمل اى حاجه غلط تانى. انا لازم اقرب من ربنا. وابدء من جديد حتى لو فتره بسيطه. لان انا عارفه أن حياتى في خطړ. وكمان مينفعش ادخل بيتك علشان مسببلكش اى خطړ وكمان احراج.
مالك ايوه ياساره. بس انتى حاليا مفيش مكان تروحي فيه دلوقتي. على الاقل روحي معايه. وبكره ولا بعدو نشوف مكان. مؤقتا لانى مش هسيبك اكتر من كدا.
آدم ممكن تأجلو الكلام ده لبعدين. ويلا بينا كلنا هنطلع على فيلا العدوي.
مالك وساره فيلا العدوي. طيب ليه.
مريم ايه ياولاد مالكم استغربتو ليه. انهردا عيد ميلاد رينو. احنا اصلا مبنهتمش بأعياد الميلاد. لكن احنا مرينا بظروف صعبه. وكمان رينو خارجه من الامتحانات ومتوترين كلنا. آدم فكر اننا نعمل حفله عائليه للكل. ونقضى وقت مع بعض زى زمان. والبنات صممت انهم مش هيحتفلو من غير ساره. ها نمشى بقى علشان اتأخرنا. العيله كلها منتظرانا فى البيت.
ساره احتارت ومش عارفه تعمل إيه. ولا عارفه هتروح فين. لكن فكرت أن امانها وسط العيله دى. وانهم وقفو جمبها رغم أنهم عرفوا اهم جزء من الحقيقه.
مالك شاف انها فرصه مناسبه. علشان ساره من زمان مفرحتش. وقال. تمام. اتفضلو.
آدم ها ياساره موافقه تحضرى عيد ميلاد رينو.
ساره ابتسمت. كل سنه وهي طيبه.
آدم ومريم وانتى طيبه. واتحركو. على فيلا العدوى.
فيلا آدم العدوي.
كل العائلات متجمعه. عيلة السيوفي. والصاوى. وعزيز. وبيتر. وحسام.
البنات كلهم رحبو ب ساره جدا. واخدوها فوق. فى اوضة رينو.
رينو قومى ياساره تعالى.
ساره على فين.!
رينو قومى بس اقعدى قدام المرايا دي.
ساره قامت وقعدت. اهو قعدت.
رينو ماليكه. ماليكه.
مليكه نعم يارينو.
رينو بما انك خبره فى الموضه. وعندك خلفيات عن الميكب والحجات دى. عايزاكى تظبطى شعر ساره. وتقصيه وتخليه متساوى. لان زى ما انتى شايفه مش مظبوط.
مليكه ابتسمت. عينيه ل ساره. حاضر.
رينو تسلممممي بجد ياماكى.
ساره جواها مكسور. وحاسه أن الكل بيشفق عليها. واتنهدت بتعب. واستسلمت للشفقه دى. هي شايفه انها شفقه. لانها بنت عاصم وتقبلوها رغم ماضي ابوها. بس ياترى لما يعرفو انى كنت راجعه انتقم هل هيسامحوني. وفاقت على ايد ماليكه على كتفها.
مليكه ها جاهزه ياقمر.
ساره بشبح ابتسامه. وهزت راسها جاهزه.
رينو انا هنزل تحت علشان مالك اتصل عليا وقالى انو عايزنى تحت. واتحركت وماليكه بدءت تظبط شعر ساره.
وبعد فتره. مليكه قصت شعرها وظبطت كل حاجه.
رينو طلعت. وشافت شعر ساره. ايوه بقى ايه الحلاوه دى. قمر.
ساره ميرسى يارينو. ميرسى ياماليكه.
مليكه لا ميرسى دى اجليها شويه.
رينو تا تا تا. وطلعت علبه كبيره من ورا ضهرها. اتفضلى يستى. الاستاذ مالك بنفسه بعتلك الهديه دى. وفتحت العلبه وكان فستان جميل من اللون الزهرى. بكل مستلزماته. مليكه والبنات. واوو بجد جميل اوى..
رودي ايوه انهردا فستان. بكره ورد. ويعالم هييييح امتى بقى.
نور هههه الله يكون في عونك يا فارس. ههههه. بس بجد الفستان تحفه.
ساره واقفه ودموعها نزلت. ده علشانى انا.
فريحه قامت حضتنها بهزار. وبعدين بقى فى النكد ده. الا قولولى يابنات ليه لما نفرح نعيط. ولما نزعل نعيط. ها ليه.!
ريتال احنا يابنتى أساس النكد فى المجتمع احنا المستنقع في حد ذاته. كلهم هههههههههههه.
رينو يلا ياست الحسن والجمال. شوفتى الحمام ده
ساره هزت راسها ايوه. ماله.
رينو هتدخلى زى الشاطره كدا. وتاخدى شاور حلو كدا. وتلبسى الفستان الحلو ده. وبعدها ماليكه تظبطلك شعرك. وتعملك ميك اب خفيف. علشان الكل منتظر تحت.
رودي بت يارينو ابوكي جاب التورته.
رينو ابوكى !! بيئه اتجوزتى بردو ولسه بيئه.
رودي ايوه صح هو مز مش باين عليه أنه متجوز اساسا. آدم مدوب قلوب العزاره
نور شادتها من ودانها. عارفه لو قولتى كدا تانى. انا هخدرك وهقصلك لسانك ده. بابى انا محدش يدلعو كدا فاهمه.
رودى رفعت ايديها باستسلام. خلاص. خلاص. هي الحقيقه بتزعل. اعمل يعنى حد قاله أنه كل شويه يحلو كدا دا عسسسل.
نور. ورينو بتحذير. رووووودي.
رودي احم خشى ياساره بقى استحمى.
كلهم ضحكو عليها. وساره اتحركت. وقالتهم متخرجوش من الاوضه. والكل اكدلها أنهم منتظرينها.
ساره دخلت. وهي تحت الدش. ذكريات قدامها. من الټعذيب. تفتكر سوزى. ابتسام. ډم. ڼار. ازاز. . ونفسها اتقطع تحت الميا. لكن شقهت. واتحركت بعيد عن الميا. وحاولت تهدى نفسها. واتاخرت. جوه. ورينو خبطت عليها. وساره رجعت للواقع. وخلصت الشاور. ووقفت قدام المرايا. وبتبص على شعرها. ووشها الل بقى بهتان. واستغربت أن شكلها كدا. ومالك لسه متمسك بيها. واتنهدت. وشافت الفستان وابتسمت. ولبسته بحب. واتخيلت أن مالك واقف جمبها بيساعدها فى لبس الفستان. وبعد ماخلصت خرجت من الحمام. وفاقت على. رودي الل صفرت. والكل اتخض من المجنونه دى. والكل انتبه على ساره. وان الفستان جميل عليها. كلهم مشاء الله عليكى قمر بجد.
ورينو راحت وقفت جنبها. ممكن نتعرف بالمزه !
متابعة القراءة
